Servizo de Asesoría Xurídica
As persoas con dano cerebral adquirido e as súas familias, así como as e os profesionais das asociacións de FEGADACE, teñen á súa disposición un servizo de asesoramento legal, destinado a informar e aconsellar ás persoas con dano cerebral adquirido e ás súas familias nas dúbidas de carácter legal e xurídico que poidan ter en relación a calquera tema derivado da situación relacionada coa irrupción da discapacidade en toda a súa complexidade de aspectos.
A quen vai dirixido?
- Familias e persoas con dano cerebral adquirido socias das entidades membro de FEGADACE
- Asociacións federadas
Que accións inclúe?
- Consultas e asesoramento individual (sobre dereitos e outras cuestións que poidan xurdir en relación coa chegada da discapacidade á vida da persoa e do núcleo familiar)
- Situacións de discriminación e vulneración de dereitos (acompañamento)
- Casos de violencia (acompañamento)
- Asesoramento a profesionais das entidades federadas
- Formación e divulgación
Como acceder ao servizo?
Trátase dun servizo gratuíto e confidencial ao que se pode acceder a través do enderezo electrónico legal@fegadace.org. A continuación pódese atopar un dossier que describe máis detalladamente o servizo e os formularios para solicitar asesoramento ou accións formativas.
