As persoas con dano cerebral adquirido celebran o 28 de xuño, Día do Orgullo LGTBIQ+, lembrando que a reclamación dunha sociedade inclusiva e sen barreiras é unha cuestión integral, e que o respecto polas persoas ten que ir máis alá da súa orientación sexual e identidade de xénero, igual que da súa discapacidade.

Igual que dicimos "eu non son o meu dano cerebral", clamamos tamén que somos un colectivo de persoas libres e diversas. Por iso aproveitamos a data para esixir o fin de toda a discriminación por orientación ou identidade, igual que por discapacidade.

Porque é unha cuestión de dereitos humanos, seguimos traballando por unha sociedade plural e tolerante, con espazo para todas as persoas en igualdade e inclusión.