A Sociedade Española de Rehabilitación e Medicina Física (SERMEF) puxo en marcha o proxecto 'Por el daño cerebral (XDC)' co obxectivo de mellorar a atención en rehabilitación das persoas con dano cerebral adquirido crónico.

Basean o proxecto no diálogo entre pacientes e profesionais e, para coñecer as impresións e experiencias do primeiro grupo, prepararon unha enquisa para a que solicitan a colaboración das persoas con dano cerebral.

 

Cubrila leva entre 20 e 30 minutos. Os resultados obtidos presentaranse en reunión a FEDACE, que está a colaborar con SERMEF no proxecto. Tamén servirán de base á sociedade rehabilitadora para traballar na mellora da situación das persoas con dano cerebral, buscando dar cobertura ás persoas nunha situación crónica, constatado que a atención no sistema público está, agora mesmo, limitada á fase hospitalaria.