© FEGADACE | 10/05/2021 | Charla sobre o dano cerebral en Coristanco
FEGADACE imparte unha charla sobre o dano cerebral en Coristanco o 9 de xuño
A traballadora social da Federación falará de causas, prevención e modelo de rehabilitación.
O ciclo de charlas sobre o dano cerebral adquirido que FEGADACE desenvolve no marco do programa 'Promove, Entende, Actúa' chega a Coristanco o 9 de xuño. A traballadora social da Federación vai falar sobre prevención, causas, consecuencias e secuelas, e modelo de atención e rehabilitación nunha actividade informativa aberta a toda a poboación do concello.
As autoridades municipais solicitan, iso si, realizar unha inscrición previa na Biblioteca Municipal, por teléfono no 651 66 49 08, ou a través do correo electrónico biblioteca@coristanco.gal.
Lugar de celebración:
Edificio de Servizos Múltiples (Rúa Pataca s/n)
Coristanco
11:00 hh.