O grupo de aprendizaxe cooperativa de DCA Ourense é un espazo pedagóxico onde se traballa de maneira conxunta. Estas sesións teñen unha duración de catro horas, desenvólvense todos os mércores, e buscan fomentar a interacción social, xerar espazos de acceso á comunidade e o traballo en equipo.

Un dos obxectivos principais é abrir unha canle de comunicación entre as persoas usuarias da asociación de dano cerebral de Ourense e o equipo profesional onde poidan expresar as súas necesidades e inquietudes da vida diaria. Por iso, nestas sesións desenvólvense actividades como deporte adaptado, visitas culturais, cinefórum, saídas de lecer, manualidades, laborterapia ou novas tecnoloxías; mellorando desta maneira a autonomía, a accesibilidade á contorna, a autoestima e a satisfacción persoal.