Unha vida salvada merece ser vivida
con dignidade

O Dano Cerebral Adquirido

O dano cerebral adquirido é a discapacidade resultante dunha lesión no cerebro causada, na maioría dos casos, por un ictus ou un traumatismo cranioencefálico. Afecta a unhas 35.000 persoas en Galicia.

Co dano cerebral adquirido perde sentido falar de discapacidade física, psíquica ou sensorial: son moitas secuelas ao mesmo tempo, e preséntanse en diferentes graos e intensidades segundo a persoa.

> Fai unha doazón a través de BIZUM <



Infórmate

16/05/2024 | Vilaxoán (Vilagarcía de Arousa)

Participa na '2ª Travesía a Nado Polo Dano Cerebral' o 6 de xullo en Vilaxoán

Conta con dúas categorías, 1.800 e 900 metros, e tamén existe a posibilidade de facer achegas ao Dorsal 0.

15/05/2024 | Galicia

O Sergas publica o Proceso Asistencial Integrado do Dano Cerebral Adquirido

FEGADACE celebra a divulgación do documento e agarda a pronta posta en marcha das medidas que recolle.
 

10/05/2024 | Lalín

Aberta a inscrición da 3ª carreira e andaina solidaria 'Camiñando #PoloDanoCerebral'

A actividade celebrarase o domingo 30 de xuño a partir das 9:00 h en Lalín con categorías absoluta e escolares.

08/05/2024 | Lugo | Ourense

ADACE Lugo foi de respiro familiar e DCA Ourense traballa co xogo Speed Cups

Diferentes actividades de rehabilitación e inclusión social nas asociacións de dano cerebral.

08/05/2024 | Santiago de Compostela

FEGADACE e a UPNE organizan a xornada ‘A saúde oral, garantía das persoas con DCA'

No evento presentaranse os últimos froito do convenio de colaboración existente entre ambas entidades.

03/05/2024

Construíndo hoxe a Axenda Política da Infancia con Discapacidade ata o ano 2030

3 de maio, Día Nacional da Convención Internacional sobre os Dereitos das Persoas con Discapacidade.
 

Proxectos

Cartel das Xornadas 2020

Xornadas sobre o dano cerebral adquirido

As Xornadas sobre o Dano Cerebral Adquirido teñen un perfil científico, académico e divulgativo, e serven para xerar e transmitir coñecemento arredor do dano cerebral. Son o marco de entrega do Premio FEGADACE-Miguel Blanco, que recoñece o labor dun axente social implicado na defensa do colectivo.
>Accede aquí a outros proxectos de divulgación

Descarga a nosa guía para familias!

A guía Cousas que debes saber sobre o dano cerebral adquirido cando alguén da túa familia está no hospital intenta paliar a desorientación dos primeiros momentos informando ás persoas e familias dos seus dereitos e dos recursos de apoio, atención e rehabilitación que existen no seu contorno.
>Hai máis recursos na sección Formación

Punto e seguido. A vida despois do DCA

Un ictus ou un accidente son cuestión de segundos. Un 'punto e seguido' para o que virá despois. Secuelas visibles e invisibles. Pero tamén apoio, rehabilitación, novos proxectos de vida, novas leccións e intereses. FEGADACE e as súas asociacións amosan esta realidade a través dun vídeo e dunha exposición fotográfica.
>Máis iniciativas de sensibilización aquí

 

 

Axenda

Lun Mar Mer Xov Ven Sab Dom

Prevención

ICTUS | 3F: Fala, Forza, Faciana

O ictus é a principal causa do dano cerebral. Cómpre identificar rapidamente os síntomas de alarma para acudir canto antes ao hospital. O tempo é cerebro.
FEGADACE promove a educación para a saúde desenvolvendo campañas de prevención do ictus e das outras causas do dano cerebral.

 

Asociacións Federadas

Documentación

Boletín

Mantente informado/a

Recibe o noso boletín

PROTECCIÓN DE DATOS