1 de 1
© Pixabay | 22/05/2020 | Uso obrigatorio de mascarilla
En vigor o uso obrigatorio da mascarilla se non se poden manter 2 metros de distancia
Posibilidade de exención para as persoas con dano cerebral adquirido que teñan alteracións de conduta.
O 21 de maio entrou en vigor a disposición do Ministerio de Sanidade pola que se regula o uso obrigatorio de mascarilla durante a crise sanitaria orixinada pola COVID-19. A vixencia da norma esténdese ata a fin do estado de alarma.
Como norma xeral, o uso da mascarilla pasa a ser obrigatorio para toda a poboación sempre que non sexa posible manter unha distancia entre persoas de cando menos dous metros:
- na vía pública
- nos espazos ao aire libre
- en calquera espazo pechado de uso público ou que se atope aberto ao público
Sen embargo, existen diferentes excepcións por motivos de saúde e discapacidade que afectan ao colectivo de persoas con dano cerebral adquirido. En concreto, están exentas de empregar a mascarilla aquelas persoas que teñan unha contraindicación por motivos de saúde e/ou dificultade respiratoria debidamente xustificada, e tamén quen por causa da súa discapacidade presente alteracións condutuais que fagan inviable o uso deste dispositivo.
Existen ademais as excepcións do desenvolvemento de actividades que pola súa natureza fagan incompatible o uso da mascarilla, e as causas de forza maior ou situación de necesidade.
Consulta aquí o BOE coa disposición completa
