Un grupo de persoas usuarias, familiares e profesionais da asociación Renacer achegáronse o venres 3 de xuño a Barbadás para informar sobre o dano cerebral adquirido.

En concreto, participaron no 'II Paseo pola Saúde' que organiza o Concello de Barbadás para achegar á súa poboación o conxunto de entidades sociosanitarias da área metropolitana de Ourense, así como os servizos que ofrecen.

A Asociación de Dano Cerebral de Ourense pasou alí a xornada (a feira tiña horario de mañá e de tarde) informando sobre as causas, consecuencias e modelo de atención á nosa discapacidade, así como sobre os servizos proporcionados pola entidade.