© DGT | | Operación de verán da DGT
Oito consellos para unha condución segura na operación saída e durante todo o verán
Os traumatismos cranioencefálicos por accidentes de tráfico son a segunda causa do dano cerebral adquirido.
Comezan o verán e a calor, e con eles as vacacións e a operación saída. Se vas viaxar no teu propio vehículo, presentámosche oito consellos fundamentais para evitar accidentes de tráfico, que son a segunda causa do dano cerebral adquirido:
1. Revisa que o coche funcione correctamente antes de saír (neumáticos, limpaparabrisas, aceite...).
2. Programa a viaxe con antelación, tendo en conta as restriccións e rutas alternativas que ofrece a DGT. Evitarás atascos e poderás prever mellor a duración da viaxe.
3. Usa sempre o cinto de seguridade ou o casco no caso de viaxares en moto. Aquí están todas as normas de seguiridade viaria.
4. Coidado co sol: utiliza lentes protectores ou evita as horas de máis luz do día. A claridade resta visibilidade.
5. Mantén o coche ventilado ou prende o aire acondicionado, realiza paradas cada dúas horas e lembra hidratarte continuamente con bebidas frescas.
6. Evita comidas demasiado abundantes, bebidas estimulantes e, por suposto, cero alcol.
7. Respecta os límtes de velocidade e axústaa ás condicións da vía.
8. Desfruta as túas vacacións!
E, para ampliar esta información, visita a web de Operacións Especiais da DGT.