© FEGADACE | 13/03/2020 | Logo FEGADACE
Comunicado de FEGADACE en relación ás medidas adoptadas polo COVID-19
A Federación Galega de Dano Cerebral, tras as recentes recomendacións sanitarias e medidas adoptadas polas autoridades, que inclúen peche de centros socio-sanitarios e cese de actividades a agrupación de persoas en espazos pechados, entre outras moitas, quere comunicar as medidas que desde o día 16 de marzo aplicaranse en FEGADACE:
- Suspensión de accións e charlas de sensibilización previstas para o mes de marzo en colaboración con diversos concellos de Galicia.
- Limitación dos desprazamentos e reunións presenciais, favorecendo a utilización do sistema de videoconferencia.
- Habilitación de teletraballo para todo o equipo da federación, co obxectivo de minimizar os riscos na saúde do equipo e, por extensión, da poboación xeral.
Ao igual que para toda a sociedade galega e española, trátase dunha medida sen precedentes, pero que cremos de máxima necesidade e responsabilidade social, dadas as actuais circunstancias e de xeito a, conxuntamente, axudar a reducir a incidencia, así como a gravidade das persoas xa contaxiadas.
A federación seguirá en contacto a través do correo electrónico, os teléfonos móbiles 659177709 e 654 866 967 e a través das redes sociais.
Se fora necesario, seguiremos incorporando as medidas que se vaian comunicando polas autoridades sanitarias, procurando manter, na maior medida posible, os nosos mecanismos habituais de funcionamento.