© Renacer | 11/02/2022 | Actividade para o benestar físico en Renacer
Dez programas para as persoas e familias con dano cerebral grazas á X Solidaria
ADACECO, Adace Lugo, Alento, Renacer, Sarela e FEGADACE potenciaremos benestar, autonomía...
FEGADACE e as súas cinco asociacións poderán desenvolver, ao longo de 2022, dez programas que van desde o benestar físico e emocional ata a execución de obras, pasando pola redución da fenda dixital, grazas ás persoas contribuíntes que marcan a X Solidaria na súa declaración da renda.
Estes dez programas son o resultado da candidatura da Federación á convocatoria da Consellería de Política Social que distribúe os fondos recadados a través do IRPF das persoas que marcan o cadro de fins sociais, é dicir, que deciden destinar a proxectos solidarios o 0,7% dos seus ingresos.
FEGADACE e as súas asociacións van abordar en 2022 proxectos de continuidade, destinados á atención do colectivo de persoas e familias con dano cerebral, e tamén proxectos de execución máis puntual, como as obras nos centros, ou máis innovadora, como os destinados a reducir a fenda dixital. O orzamento total destes programas é de 584.706,05 euros.
Eis a relación completa de proxectos para o dano cerebral en 2022:
Estes dez programas son o resultado da candidatura da Federación á convocatoria da Consellería de Política Social que distribúe os fondos recadados a través do IRPF das persoas que marcan o cadro de fins sociais, é dicir, que deciden destinar a proxectos solidarios o 0,7% dos seus ingresos.
FEGADACE e as súas asociacións van abordar en 2022 proxectos de continuidade, destinados á atención do colectivo de persoas e familias con dano cerebral, e tamén proxectos de execución máis puntual, como as obras nos centros, ou máis innovadora, como os destinados a reducir a fenda dixital. O orzamento total destes programas é de 584.706,05 euros.
Eis a relación completa de proxectos para o dano cerebral en 2022:
- Benestar físico e emocional
- Desenvolvemento persoal
- Relacións interpersoais
- Benestar material
- Benestar emocional
- Mobilidade e transporte adaptado (para a prestación deste servizo a algunhas das persoas usuarias dos centros de atención ao dano cerebral)
- Execución de obras (para contribuír á dotación de dispositivos de atención ao dano cerebral nas áreas sanitarias da Coruña e de Ferrol)
- Adquisición de equipamento (desde material terapéutico a outros aspectos máis estruturais ou loxísticos)
- Dano cerebral adquirido: promove, entende, actúa (executado integramente por FEGADACE, este programa ten como obxectivos informar e sensibilizar á sociedade galega con respecto á prevención e a abordaxe do dano cerebral a través de actividades como charlas, a exposición Punto e seguido, unha carreira solidaria, e moito máis)
- Stop Fenda Dixital (iniciado en 2021, este programa está concibido para capacitar ás persoas e familias con dano cerebral no uso de dispositivos TIC para a realización de trámites online e a cobertura doutras necesidades de solución tecnolóxica)