© FEGADACE | 23/06/2022 | Bandeira Nado #PoloDanoCerebral
Aitor de Luis nada en augas abertas #PoloDanoCerebral durante este verán
Acordo co deportista para a concienciación sobre o dano cerebral no seu circuíto de competición.
"Polo Dano Cerebral" é o lema que vai acompañar ao nadador vigués Aitor de Luis no circuíto de competicións en augas abertas que vai realizar ao longo do verán. FEGADACE e o deportista teñen un acordo de colaboración con diferentes liñas de traballo, nas que se inclúe a formación en natación para persoas con dano cerebral, así como a sensibilización sobre a nosa discapacidade.
Aitor de Luis comezou o 4 de xuño un calendario de competición que o leva a participar nas probas do Circuíto Galego Augas Abertas, así como nalgunhas outras convocatorias, incluíndo a Travesía La Sardina no País Vasco. A etapa final será en Ponteareas o 17 de setembro.
En todas as súas travesías, De Luis vai levar un equipamento marcado co lema #PoloDanoCerebral, e celebrará as súas subidas ao podio cunha bandeira que levará o nome da nosa discapacidade, co obxectivo de concienciar e de sensibilizar á poboación sobre as necesidades do colectivo.
Aitor de Luis comezou o 4 de xuño un calendario de competición que o leva a participar nas probas do Circuíto Galego Augas Abertas, así como nalgunhas outras convocatorias, incluíndo a Travesía La Sardina no País Vasco. A etapa final será en Ponteareas o 17 de setembro.
En todas as súas travesías, De Luis vai levar un equipamento marcado co lema #PoloDanoCerebral, e celebrará as súas subidas ao podio cunha bandeira que levará o nome da nosa discapacidade, co obxectivo de concienciar e de sensibilizar á poboación sobre as necesidades do colectivo.
Eis o seu calendario completo:
- 04/06/2022. Campionato Galego (Ponteareas)
- 12/06/2022. Travesía Costa (A Coruña)
- 09/07/2022. Travesía La Sardina (Santurtzi)
- 17/07/2022. Travesía Costa Oleiros (Oleiros)
- 23/07/2022. I Travesía Praia de Oza (A Coruña) [SUSPENDIDA]
- 25/07/2022. Travesía Dique Barrié de la Maza (A Coruña)
- 31/07/2022. Travesía Costa (Balarés)
- 06/08/2022. Travesía Minius (Lugo) [SUSPENDIDA]
- 07/08/2022. Travería a nado (Ría de Vigo)
- 14/08/2022. Travesía Sisargas (Malpica)
- 15/08/2022. Travesía a nado Praia de Coroso (Ribeira)
- 20/08/2022. Travesía a nado Illa de Bensa (Boiro)
- 21/08/2022. Travesía Vila do Tea (Ponteareas)
- 04/09/2022. Travesía Costa (Ézaro)
- 17/09/2022. Etapa Final (Ponteareas)
A práctica deportiva ten unha enorme importancia para FEGADACE, pois é unha condición fundamental para levar uns hábitos de vida saudables que nos axuden a previr o ictus. No caso das persoas con discapacidade, é unha ferramenta perfecta para previr situacións de dependencia, así como para potenciar a inclusión social.
A Federación está a promover diversas actividades deportivas #PoloDanoCerebral, como o proxecto de natación para persoas con dano cerebral adquirido, a Travesía a Nado, e agora esta colaboración con Aitor de Luis.
A Federación está a promover diversas actividades deportivas #PoloDanoCerebral, como o proxecto de natación para persoas con dano cerebral adquirido, a Travesía a Nado, e agora esta colaboración con Aitor de Luis.