© Sarela | 08/11/2022 | Actividade informativa de Sarela
Nace A Nosa Lareira, un espazo web para as persoas coidadoras de Sarela
Recursos e ferramentas para o día a día, relacionarse e compartir tempo, coñecementos e experiencias.
O DCA ten un enorme impacto na persoa con DCA pero tamén en toda a familia, fundamentalmente na persoa que asume o rol de coidadora principal, véndose repercutida a calidade de vida. Polo tanto, a información e o apoio ás familias cunha persoa con dano cerebral adquirido son fundamentais ao ter que afrontar unha nova realidade que chega de forma brusca e inesperada. É por iso que Sarela presta unha atención específica á familia ofrecendo información, formación e atención psicolóxica.
Esta nova sección da web suporá unha mellora na comunicación coas familias socias así como ampliar as formas de atención máis alá da presencialidade e a modalidade online que xa facemos, ofrecéndolles información accesible ás persoas coidadoras de maneira áxil e coa liberdade de acceso á mesma no momento que queiran.
O proxecto inxírese no proceso de transformación dixital iniciado por Sarela hai uns anos. Foi en 2021, no contexto da pandemia no que chegar a todas as familias é moi difícil (confinamentos, medidas de distancia social, control de aforos, tamaño da área sanitaria de Santiago etc), cando o financiamento a través da Fundación Santander (proxecto Santander Social Tech) permitiu a contratación dunha empresa externa encargada do deseño da páxina web.
Contidos
Esta nova sección da web suporá unha mellora na comunicación coas familias socias así como ampliar as formas de atención máis alá da presencialidade e a modalidade online que xa facemos, ofrecéndolles información accesible ás persoas coidadoras de maneira áxil e coa liberdade de acceso á mesma no momento que queiran.
O proxecto inxírese no proceso de transformación dixital iniciado por Sarela hai uns anos. Foi en 2021, no contexto da pandemia no que chegar a todas as familias é moi difícil (confinamentos, medidas de distancia social, control de aforos, tamaño da área sanitaria de Santiago etc), cando o financiamento a través da Fundación Santander (proxecto Santander Social Tech) permitiu a contratación dunha empresa externa encargada do deseño da páxina web.
Contidos
A Nosa Lareira estrutúrase en tres seccións principais: actividades, coidado físico e coidado emocional así como un espazo para a descarga de materiais de interese.
Actividades: as persoas usuarias da web poderán inscribirse nas actividades que se organizarán, tanto presenciais na sede de Sarela como on line, e que tratarán temas relacionados co dano cerebral (coidados, cambios acaecidos ou secuelas, pautas de actuación ante diferentes situacións...) e de autocoidado principalmente.
Quenta o teu corpo é a sección dedicada ao coidado físico e nela achegaranse materiais como vídeos titoriais creados polo equipo de profesionais de Sarela no que se explican como executar correctamente exercicios e estiramentos co fin de previr molestias ou patoloxías.
En Relaxa a túa mente as persoas usuarias atoparán información útil e práctica para o seu benestar emocional. Nesta sección terán acceso a estratexias e recursos para detectar e manexar a tensión, organizar o día a día, solucionar problemas, manexar emocións, descubrir estratexias e recursos para manter un bo estado de ánimo etc.
A Nosa Lareira xa está activa e pódese acceder a ela na web de Sarela www.sarela.org ou directamente no enlace www.sarela.org/a-nosa-lareira e é preciso o rexistro previo.