© FEGADACE | 03/04/2023 | Plan de Igualdade
FEGADACE inicia os traballos de elaboración do seu novo Plan de Igualdade
Da man da consultora Recursos Galicia Consultoría & Formación, traballará nos próximos meses para dotarse do novo Plan de Igualdade da Federación.
Durante o mes de marzo de 2023 a Federación deu inicio ao proceso de elaboración do novo Plan de Igualdade da entidade. Este plan terá unha vixencia de catro anos, iniciando en 2024 ata 2028. O día 23 de marzo foi comunicado o compromiso da entidade co inicio do proceso, o cal se desenvolverá durante seis meses e conta coa participación e implicación activa de todos os actores chave, incluíndo a representación sindical, que forma parte da Comisión Negociadora a constituirse en abril.
O obxectivo que persegue FEGADACE é dotar de maior envergadura a todas as medidas de conciliación e promoción da igualdade implantadas, co fin de promover un cambio organización e consolidar o que xa está feito, no que a perspectiva de xénero estea plenamente integrada e se acade a plenitude de igualdade de oportunidades entre homes e mulleres no seo da organización. Este proceso mostra un novo compromiso coa iguladade e non discriminación, tanto de xeito interno, como externo da entidade, que desde os seus inicios aposta pola corresponsabilidade e a conciliación, sendo unha das prioridades na organización da entidade.
Ademais da elaboración do Plan, a federación traballará baixo a asesoría de Recursos Galicia no desenvolvemento dunha Consultoría Grupal, unha acción formativa sobre a elaboración de plans de igualdade dirixida ás asociacións federadas. O obxecto consultaría é resolver dúbidas e acompañar no proceso de elaboración do plan de igualdade a cada entidade interesada, que inclúe compromiso, negociación, diagnose e elaboración de documentación específica. Nesta ocasión participan dúas das cinco entidades membro: ADACE Lugo e SARELA Santiago.