As persoas usuarias de DCA Ourense están a preparar fermosas macetas para o xardín sensorial que está a preparar a asociación nas súas instalacións.

Realizando este labor combínanse aspectos cognitivos (atención sostida, concentración, planificación e organización...) con outros máis psicomotores (traballo de pinza, torsión de pulso...) así como psicosociais (establecendo unha meta supraordenada, un propósito a acadar entre todos os membros do grupo).

Ademais, foméntase a Orientación á realidade, planificando cultivos asociados á época do ano, e tamén a reminiscencia a través da evocación de recordos, individuais e colectivos, vencellados aos mesmos.

Pasiño a pasiño avanzan nesta idea, co propósito de ter listo o xardín para o verán, e de darlle un toque verde e aromático ás súas instalacións.