Un cento de persoas entre socias, usuarias, familiares e profesionais de ADACECO participaron nunha sardiñada o pasado 7 de xullo. A actividade, realizada grazas á colaboración de empresas como Mariscos P. Fernández, ASV eventos, Ecousos, Trebopan, Gadis e Estrella Galicia, celebrouse na parcela de Eirís cedida á asociación polo Concello da Coruña. A convocatoria do evento, ademais de supoñer unha xornada lúdica de convivencia, permitiu que as persoas que acudiron coñeceran os terreos nos que a asociación prevé construír o Centro Integral de Dano Cerebral Adquirido unha vez consiga financiamento.