Cando unha persoa empeza a sufrir dano cerebral
aparecen novas situacións legais
para esa persoa e para a súa familia.
Hai que tomar moitas decisións sobre
axudas económicas e recursos de apoio.
Por iso hai que informarse primeiro
sobre que tipo de axudas pódense pedir en cada caso,
segundo as normas que marca a lei.
Leis que afectan a persoas con dano cerebral adquirido:
Lei de Dependencia
Esta lei ofrece un conxunto de servizos e axudas
para que as persoas con discapacidade
estean mellor atendidas e poidan ser máis autónomas.
A Lei de Dependencia aprobouse o 14 de decembro de 2006.
O catálogo de servizos inclúe: axuda a domicilio,
centros de día e de noite, atención residencial,
teleasistencia e asistencia persoal.
As axudas económicas son para contratar un servizo,
para unha persoa coidadora non profesional ou para asistencia persoal.
Recoñecemento do grao de Discapacidade
ten discapacidade.
A Consellería de Política Social é quen decide
o grao de discapacidade que se dá a cada persoa.
Faino a través dos Equipos de valoración e orientación.
Unha persoa conseguirá un grao máis alto de discapacidade
canta máis dificultade teña para facer actividades
da vida diaria.
A partir do 33 por cento de discapacidade
pódense conseguir beneficios económicos, laborais,
educativos e sociais.
Cambios na capacidade para tomar decisións
poden perder a capacidade para tomar decisións importantes
sobre a súa vida.
Por iso existen algunhas medidas que protexen
a estas persoas e axúdanlles a tomar decisións.
Estas medidas son:
Tutela
Outra persoa representa á persoa con dano cerebral adquirido
en case todos os aspectos da súa vida
e toma as decisións importantes por el ou ela.
Curatela
Outra persoa representa á persoa con dano cerebral adquirido
só nalgúns aspectos da súa vida.
Sobre todo, nos asuntos relacionados con diñeiro e propiedades.
Un xuíz decide que persoas necesitan tutela ou curatela
e quen será o seu representante legal, en cada caso.
Instrucións previas ou documento de vontades anticipadas
Documento no que unha persoa explica
que coidados e tratamento quere ter no futuro,
en caso de sufrir unha enfermidade
e non poder decidir por si mesma.
Tamén explica que quere que se faga co seu corpo
despois de morrer.
Lei de patrimonio protexido
Esta lei axuda a que o diñeiro das persoas
con discapacidade sexa para pagar as súas necesidades.
Esta lei aprobouse no ano 2013.
Traballar e cobrar unha pensión
En ocasións pódese traballar á vez que se cobra
unha pensión.
A Seguridade Social é quen decide que persoas
poden traballar e cobrar unha pensión
e que tipos de traballo poden facer.
