Unha vida salvada merece ser vivida
con dignidade

Prevención

O importante é chegar ben

FEGADACE quere acompañar aos peregrinos e peregrinas na súa andaina a Compostela. O importante é chegar, pero tamén chegar ben, e gozar do camiño. Por iso traballamos no deseño dunha serie de produtos para a prevención do dano cerebral adquirido no marco do Camiño de Santiago. Presentaranse no primeiro semestre de 2021.
Financiamento: Axencia de Turismo de Galicia
Execución: 2021

O dano cerebral: prevención, causas e secuelas

Portada do folleto sobre o dano cerebral e os 3F
3F: fala, forza, faciana
 
Este folleto informa das principais causas e consecuencias do dano cerebral adquirido, con especial atención ao ictus. Detalla os síntomas de alarma do que é a principal causa do dano cerebral, resumidos nos 3 F:
 
  • Fala
  • Forza
  • Faciana
Descarga aquí o folleto: O dano cerebral adquirido
Financiamento: Consellería de Política Social a través da asignación tributaria do 0,7% do IRPF
Execución: 2020

Ictus, a principal causa do dano cerebral adquirido (II)

Exterior do díptico Ictus, a principal causa do dano cerebral Interior do folleto Ictus, a principal causa do dano cerebral
Pódese descargar o folleto en pdf premendo aquí: Ictus, a principal causa do dano cerebral
Cartel ictus, a principal causa do dano cerebral

Cartel e folleto nos que se subliña a necesidade de coñecer os síntomas de alarma do ictus para a prevención do dano cerebral adquirido.

Recibir o tratamento nas catro primeiras horas desde que se produce o ictus é fundamental para evitar a cantidade e intensidade das súas potenciais secuelas. Estas, cando se cronifican, constitúen o dano cerebral adquirido. Así, perante os seguintes síntomas, cómpre actuar canto antes chamando ao 112 ou ao 061:

  • Dor de cabeza aguda e repentina
  • Parálise lateral
  • Dificultade para falar ou para endenteder o discurso oral

FEGADACE distribuíu 600 carteis e 8.000 folletos nos centros de saúde, hospitais e locais socioculturais das áreas sanitarias da Coruña e de Santiago.

Financiamento: Deputación da Coruña
Execución: 2015
 

Ictus, a principal causa do dano cerebral adquirido (I)

O ictus é a principal causa do dano cerebral adquirido; unha verdadeira urxencia médica. Cómpre acudir rapidamente ao hospital para administrar o tratamento canto antes porque "o tempo é cerebro".

Se detectas calquera dos síntomas de alarma que explicamos no vídeo en ti ou noutra persoa, chama canto antes ao 112 ou ao 061.
Financiamento: Deputación da Coruña
Execución: 2014
 

Eu podería ter dano cerebral

FEGADACE quixo facer á poboación tomar conciencia da principal particularidade do dano cerebral como discapacidade: o feito de ser adquirida, de que se pode presentar na vida de calquera persoa en calquera momento.
 
A Federación estreitou lazos coas súas entidades colaboradoras, financiadoras e amigas chamando a persoas que forman parte delas para afirmaren neste vídeo que "calquera pode ter dano cerebral".
Financiamento: Deputación da Coruña
Execución: 2013