A Federación Galega de Dano Cerebral (FEGADACE) constitúese en maio de 2007 polas cinco asociacións galegas de dano cerebral adquirido (ADACECO na Coruña, ADACE en Lugo, Alento en Vigo, DCA Ourense e Sarela en Santiago). É unha organización non gobernamental, privada, independente, apartidista e aconfesional comprometida coa defensa dos dereitos das persoas con dano cerebral adquirido. FEGADACE está declarada Asociación de Utilidade Pública desde decembro de 2013.
FEGADACE persegue a defensa dos intereses e a mellora da calidade de vida dos galegos e galegas con dano cerebral adquirido e dos seus familiares. Pretende sensibilizar á sociedade en xeral con respecto á dimensión desta discapacidade, implicar ás institucións e cantas iniciativas se dirixan a resolver os retos da rehabilitación, inclusión e normalización social do colectivo.
Desenvolve o seu labor dentro dos seguintes ámbitos de actuación:
- Apoio e asistencia ás entidades federadas e familias de persoas con dano cerebral adquirido.
- Información, sensibilización, divulgación e investigación sobre o dano cerebral.
- Intervención e desenvolvemento de programas e proxectos dirixidos ás entidades federadas e ás persoas con dano cerebral adquirido e as súas familias.
- Captación de fondos.
- Representatividade e incidencia política.
As asociacións en cifras
ADACECO | ADACE LUGO | ALENTO | DCA OURENSE | SARELA | TOTAL | |
PROFESIONAIS | 18 | 9 | 55 | 9 | 32 | 123 |
SOCIOS/AS | 459 | 236 | 268 | 245 | 719 | 2.017 |
SOCIOS/AS CON DCA | 265 | 124 | 201 | 83 | 534 | 1.207 |
VOLUNTARIADO | 3 | 2 | 21 | 6 | 16 | 48 |