© FEGADACE | | Fragmento dun dos folletos

Que problemas de saúde oral pode ter unha persoa con dano cerebral adquirido?

Editamos dous folletos con información para familiares e para profesionais da odontoloxía.

Como se debe abordar a hixiene oral dunha persoa con dano cerebral? Que coidados específicos debe recibir? Cando se debe acudir ao/á dentista?

FEGADACE e a Unidade para Pacientes con Necesidades Especiais (UPNE) da Facultade de Medicina e Odontoloxía da Universidade de Santiago de Compostela (USC) elaboraron dous folletos nos que responden a estas e outras preguntas.

O primeiro deles está dirixido a persoas con dano cerebral adquirido e familiares; o segundo, máis técnico, dá recomendacións e referencias aos profesionais da odontoloxía a nivel de tratamento, anestesia, avaliación de riscos... Pódense consultar a continuación:

Información para familiares e persoas con dano cerebral

Información para profesionais da odontoloxía