Os Bolechas: Mireia conta que é o dano cerebral adquirido
FEGADACE aliouse en 2022 con 'Os Bolechas' para editar a guía 'Mireia conta que é o dano cerebral adquirido'.
Financiamento: Deputación da Coruña e Consellería de Política Social e Xuventude
Importe concedido: 28.751,12 € (78,58% do total do proxecto)
Execución: 2022
Eu non son o meu dano cerebral
|
Eu non son o meu dano cerebral
Un grupo de persoas usuarias de ADACECO, ADACE Lugo, Alento, Renacer e Sarela confesan os seus medos, contan os seus soños, explican onde estaban hai vinte anos e proxectan onde andarán dentro de dúas décadas máis. Porque teñen ideas, previsións, historia. Porque son persoas, non son o seu dano cerebral.
|
|
 |
Unha cronoloxía cos principais acontecementos que afectaron ao dano cerebral nas últimas dúas décadas, desde todos os puntos de vista: creación de unidades de ictus, promulgación da 'Lei de Dependencia', Convención sobre Discapacidade da ONU... Coa lupa colocada na evolución do tecido asociativo galego desde a fundación de ADACECO, Alento e Sarela, parando na constitución de ADACE Lugo, Renacer e FEGADACE, a ampliación de servizos, os novos centros... Unha historia de crecemento e mellora da atención ás familias con dano cerebral complementada con fotografías e cos testemuños de diferentes persoas que nos acompañaron nestes 20 anos.
|
Financiamento: Deputación da Coruña
Importe concedido: 9.750,93 € (80,00% do total do proxecto)
Execución: 2020
Visións sobre o dano cerebral adquirido no cinema
|
O mundo púxose ao revés é unha curta de Miguel Gallardo. Presentouse nas Xornadas de Medicina Gráfica da Coruña en novembro de 2019.
Antes proxectouse no ciclo Visións sobre o dano cerebral adquirido no cinema. Unha aproximación fílmica á discapacidade e á inclusión.
O programa pode descargarse aquí.
|
|
 |
  |
Financiamento: Deputación da Coruña
Importe concedido: 6.707,26 € (79,91% do total do proxecto)
Execución: 2019
Punto e seguido. A vida despois do dano cerebral adquirido
Un ictus ou un accidente de tráfico son cuestión de segundos. Un 'punto e seguido' para o que virá despois. Secuelas visibles e invisibles. Orgánicas, físicas, sensoriais, cognitivas, emocionais, condutuais, económicas, sociais. Pero tamén apoio, rehabilitación, novos proxectos de vida, novas relacións, novas leccións, novos gustos e intereses.
Con este traballo a Federación e as asociacións de dano cerebral queren achegar a toda a cidadanía á realidade das persoas con ano cerebral a través dunha serie de curtametraxes e dunha exposición fotográfica que percorre as principais cidades de Galicia.
|
A serie audiovisual inclúe a curta Punto e seguido principal (á esquerda) e seis pezas nas que cada protagonista desenvolve máis polo miúdo como é a vida con dano cerebral adquirido (abaixo).
|
|
 |
Para ver a colección de fotografías pode visitarse a exposición online.
Este é o folleto que acompaña a mostra fotográfica.
|
Financiamento: Deputación da Coruña, Obra Social La Caixa e Xunta de Galicia
Execución: 2017-2018-2019-2020-2021-2022-2023
Que sabemos do ictus?
Banda deseñada creada polo ilustrador Miguel Gallardo para sensibilizar ao público adolescente sobre a realidade do dano cerebral e a prevención do ictus, a súa principal causa. Este documento presentouse a través dunha serie de obradoiros en cinco centros de ensino secundario da Coruña e Santiago, realizados a finais de 2016.
 |
 |
 |
 |
| Descarga aquí a banda deseñada 'Que sabemos do ictus?' | |
Financiamento: Deputación da Coruña
Execución: 2016
Baixo o mesmo paraugas
'Baixo o mesmo paraugas' é unha iniciativa do tecido asociativo local da discapacidade en Galicia para celebrar o Día Internacional das Persoas con Discapacidade, que se conmemora cada 3 de decembro.
Financiamento: Fondos propios
Execución: anual
Iridium
O escritor Francisco Castro achegouse a FEGADACE e a Alento interesado no dano cerebral adquirido. Da relación que estableceu saíu a novela xuvenil Iridium, protagonizada por unha moza con dano cerebral; publicouna a Editorial Galaxia.
Presentouse en Vigo en setembro de 2018. Desde ese día, o autor do libro e Amparo Rodicio, neuropsicóloga de Alento, percorreron ata 15 institutos, auditorios e feiras culturais para falar de Iridium e de como pode ser a vida dunha moza con dano cerebral.
Hoxe en día hai ata catro edicións do libro: galego, catalán, castelán e vasco.
Financiamento: fondos propios
Execución: 2018-2019
CapacitArte
CapacitArte foi unha iniciativa do CERMI Galicia e da Consellería de Política Social que arrincaba en 2017 cunha mostra colectiva que se inaugurou con motivo do Día da Discapacidade (3 de decembro), composta de diferentes paneis que explicaban brevemente en que consiste cada unha das discapacidades representadas no CERMI Galicia.
O proxecto continuou a desenvolverse en 2018, con exposicións temáticas mensuais sobre cada discapacidade. En outubro chegou a quenda de FEGADACE.
 |
 |
