FEGADACE cumpriu os seus primeiros dez anos de vida en 2017. A andaina do movemento asociativo do dano cerebral adquirido comezaba en Galicia no ano 2000, coa fundación de ADACECO, Alento e Sarela. No 2002 crearíase DCA Ourense (no inicio coñecida como Renacer) e no 2006 ADACE Lugo.
2020
- 8º Premio FEGADACE - Miguel Blanco á Fundación María José Jove.
- ADACECO, Alento e Sarela fan 20 anos.
- FEGADACE organiza, en colaboración coa Unidade de Odontoloxía para Persoas con Necesidades Especiais (USC), o Simposio sobre Saúde Oral e Dano Cerebral Adquirido.
- A pandemia da COVID-19 provoca que por primeira vez desde a súa apertura os centros de atención ás persoas con dano cerebral tiveran que pechar as súas portas desde que se decreta o confinamento, en marzo, ata unha apertura gradual desde o verán. O coronavirus tamén provocou a suspensión, aprazamento ou reformulación de ducias de actividades previstas por todo o movemento asociativo.
2019
- 7º Premio FEGADACE-Miguel Blanco á Unidade de Odontoloxía para Persoas con Necesidades Especiais da Facultade de Medicina e Odontoloxía da USC.
- Preséntase en Santiago a guía Cousas que debes saber sobre o dano cerebral adquirido cando o teu familiar está no hospital.
- FEGADACE presenta a curta ‘O mundo púxose ao revés’, elaborada por Miguel Gallardo, nas Xornadas de Medicina Gráfica da Coruña.
- FEGADACE e as súas asociacións federadas incorporan a metodoloxía de Monetización do Valor Social á súa contabilidade.
- Apertura do servizo residencial terapéutico para persoas con dano cerebral de Alento en Vigo, con 15 prazas.
- Novos puntos informativos de Sarela na Estrada, Arzúa e Ribeira.
- Apertura do novo local de ADACECO na Corveira (Culleredo). A entidade coruñesa pasa a contar con dous centros, o novo, e o primeiro, nas Xubias (A Coruña).
2018
- 6º Premio FEGADACE - Miguel Blanco ao Instituto Universitario de Integración na Comunidade (INICO).
- A exposición ‘Punto e seguido. A vida despois do dano cerebral adquirido’ percorre Galicia.
- FEGADACE estrea páxina web.
- FEGADACE e as súas asociacións dótanse do seu primeiro Plan de Igualdade (2018-2020). Nese marco, elaboran tamén un 'Protocolo de Prevención perante situacións de acoso sexual e acoso por razón de sexo'.
2017
- 5º Premio FEGADACE - Miguel Blanco a María Escario.
- Celebración do 10º aniversario da Federación na Xuntanza de Persoas e Familias con Dano Cerebral Adquirido.
- Aberto un punto de atención ao dano cerebral en Pontevedra, que xestiona Alento.
2016
- O galardón anual da Federación pasa a denominarse ‘Premio FEGADACE-Miguel Blanco’, en homenaxe ao neurólogo, falecido en 2015. Entrégase á Dirección Xeral de Tráfico.
- Edición da banda deseñada Que sabemos do ictus?, creada por Miguel Gallardo.
- Renovación estatutaria.
- Elección de Luciano Fernández como presidente.
- Inauguración oficial do centro de Sarela e posta en marcha do Centro de Atención Diúrna Ocupacional.
2015
- 3º Premio FEGADACE á Fundación Barrié.
- Campaña de sensibilización ‘Ictus, a principal causa do dano cerebral’.
- Novas prazas concertadas en Lugo.
2014
- 2º Premio FEGADACE a Miguel Blanco, neurólogo e coordinador da Unidade de Ictus do CHUS.
- Publicación do vídeo ‘Ictus, a principal causa do dano cerebral’.
- Primeiro Encontro de Profesionais de FEGADACE.
- Renovación estatutaria.
- Novos concertos de prazas de atención ao dano cerebral en Santiago e en Vigo.
2013
- Campaña de sensibilización ‘Eu podería ter dano cerebral’.
- Entrega do I ‘Premio FEGADACE’ ao programa da Radio Galega ‘Convivir en Igualdade’.
- Primeiro Encontro de Xuntas Directivas.
- Primeiro Encontro de Voluntariado.
- Inauguración do centro de Alento en Navia.
- Ingreso na EAPN Galicia.
2012
- Ingreso na Federación Española de Daño Cerebral (FEDACE).
- Primeiro Foro de Familias de Persoas con DCA. Entrega de cinco recoñecementos a outras tantas persoas de crucial importancia para cada unha das asociacións, e ao psicólogo clínico Miguel Anxo García.
- Edición do folleto ‘Que sabemos do ictus?’, orixinalmente publicado por FEDACE.
- Participación na manifestación SOS Discapacidade, convocada polo CERMI (Día da Discapacidade, Madrid).
2011
- FEGADACE dótase do seu actual logotipo e imaxe, ofrecendo “apoio e axuda despois do dano cerebral”.
- Primeiro convenio nominativo coa Consellería de Traballo e Benestar.
2010
- Ingreso no CERMI Galicia.
- Peregrinación polo Día Nacional do Dano Cerebral.
2009
- Comeza a construción do novo centro de Alento; Sarela, pola súa banda, obtén financiamento para edificar o seu.
2007
- As cinco asociacións galegas de DCA fundan FEGADACE en marzo, con José Balboa como presidente.
- Primeiras prazas concertadas coa Administración para a atención ao dano cerebral, localizadas en Sarela.
2006
- Fundación de ADACE Lugo.
2002
- Fundación de Renacer.
2000
- Fundación de Alento, ADACECO e Sarela.