As persoas usuarias de ADACE Lugo conmemoraron o Día das Letras Galegas mergullándose na figura de Florencio Delgado Gurriarán co apoio das tecnoloxías dixitais. Unha actividade na que se mesturou aprendizaxe, cultura, memoria, atención e redución da fenda dixital para estudar a figura do homenaxeado este 17 de maio.

No obradoiro, as persoas con dano cerebral adquirido viron vídeos, procuraron información sobre a súa vida, e coñeceron máis datos sobre o autor. Finalizaron a sesión empregando a plataforma Kahoot (unha aplicación para a realización de cuestionarios interactivos) para responder algunhas preguntas sobre os contidos aprendidos.