© Alento | 02/04/2024 | Formación 'O cambio é necesario' en Alento
Alento organiza a acción formativa para profesionais 'O cambio é necesario'
Enmarcada dentro da EscuelaDCA da asociación viguesa, dirixiuse aos equipos de centro de día e residencia.
Os días 12, 13 e 14 de marzo, as instalacións de Alento acolleron unha formación dirixida aos profesionais de atención directa da entidade no centro de día e o servizo residencial. A actividade, titulada 'O cambio é necesario', enmárcase dentro da EscuelaDCA.
O curso dividiuse en tres xornadas diferentes para favorecer a participación do maior número posible de profesionais de Alento, que puido garantir a asistencia de 30 persoas.
Traballáronse os siguintes contidos:
- Andrea Vila, psicóloga xeral sanitaria de Alento, estreouse como formadora, transmitindo a importancia de como xerar conductas de apoio ás persoas con dano cerebral dende unha mirada de apoio conductual positivo.
- Contouse coa testemuña de Gustavo Campos, persoa con dano cerebral, que transmitiu en primeira persoa como é o dó tras a lesión.
- Xunto con Sabina Gómez, educadora social e directora de residencia, e Laura Ramírez, psicóloga sanitaria, púxose o foco na contorna como axente de cambio para favorecer o benestar emocional das persoas.
EscuelaDCA
A EscuelaDCA de Alento é un proxecto que nace en 2017 co obxectivo de ofrecer información e formación a quen acompaña no desenvolvemento persoal e social de persoas con Dano Cerebral Adquirido: familias, voluntariado e profesionais.
A EscuelaDCA pretende ser un espazo para dar a coñecer o que é o dano cerebral adquirido, facilitar pautas de intervención útiles, recibir orientación persoalizada de profesionais cualificados, contar co apoio doutras familias, persoas voluntariaa etc., xerando ao mesmo tempo cohesión de grupo.
