O pasado 24 de maio ADACECO organizou unha saída para as persoas usuarias do seu centro de día de As Xubias. O grupo tivo a oportunidade de visitar o Aquarium Finisterrae, na súa cidade, e pasar a xornada visitando as súas diferentes salas e aprendendo sobre as especies, entre as que se conta un tiburón touro.

A visita finalizou asistindo, no exterior da casa dos peixes, a como lle dan de comer ás focas.

As persoas usuarias do centro de día, así como as profesionais, pasárono en grande nesta visita que implicou un cambio de rutina e un estímulo e diversión de enorme utilidade para a rehabilitación, o benestar xeral e, en definitiva, a calidade de vida das persoas con dano cerebral adquirido.