Un grupo de persoas usuarias de DCA Ourense visitou o 14 de marzo a Facultade de Educación e Traballo Social de Ourense para coñecer de primeira man o traballo do grupo AdaptaMaker. Este colectivo, composto por mozos e mozas de entre 18 e 21 anos con diversidade funcional, forma parte do alumnado do Colexio de Educación Especial de Nosa Señora de Lourdes.

 

Os membros de AdaptaMaker están a traballar con impresións 3D para elaborar produtos de apoio e todo tipo de dispositivos para facilitar a autonomía persoal. O mesmo grupo deseña e crea estes produtos, que van desde bordes para pratos a abrocha botóns, adaptadores personalizados para chaves, pulsadores...

 

O encontro de DCA Ourense e AdaptaMaker foi promovido pola Facultade de Educacion e Traballo Social de Ourense, que tamén foi o escenario da actividade.