© Renacer | 04/05/2022 | Un responsable da UD Ourense coa directora de Renacer
A asociación Renacer asina un acordo de colaboración coa Unión Deportiva Ourense
Este domingo as persoas usuarias da entidade van facer unha demostración de boccia no descanso do partido.
A Unión Deportiva Ourense e a Asociación de Dano Cerebral Adquirido de Ourense, Renacer, reuníronse para pechar un acordo e asinar un convenio marco de colaboración para promover a práctica deportiva entre as persoas usuarias da entidade.
As dúas entidades consideran que é de interese común promover a cooperación e a participación para o fomento da práctica de actividades físicas e deportivas, procurando a aplicación do coñecemento e da sensibilización en beneficio do conxunto da sociedade.
Así, Renacer e a Unión Deportiva Ourense van identificar e desenvolver programas, proxectos e actividades conxuntamente. A primeira delas vai ser este domingo, cando as persoas usuarias da asociación van ir ao partido do equipo ourensán, e farán unha demostración de boccia durante o descanso.
A maioría de actividades van ter lugar xa na vindeira tempada.
As dúas entidades consideran que é de interese común promover a cooperación e a participación para o fomento da práctica de actividades físicas e deportivas, procurando a aplicación do coñecemento e da sensibilización en beneficio do conxunto da sociedade.
Así, Renacer e a Unión Deportiva Ourense van identificar e desenvolver programas, proxectos e actividades conxuntamente. A primeira delas vai ser este domingo, cando as persoas usuarias da asociación van ir ao partido do equipo ourensán, e farán unha demostración de boccia durante o descanso.
A maioría de actividades van ter lugar xa na vindeira tempada.