Un grupo de persoas usuarias de ADACE Lugo acode todos os martes pola mañá á actividade de baloncesto grazas á colaboración da asociación de dano cerebral con Xuncas Diversia.

O grupo de ADACE Lugo aproveita esta iniciativa do club deportivo para practicar deporte pero tamén para desenvolver unha actividade lúdica. As persoas con dano cerebral adquirido melloran co baloncesto a súa mobilidade, e tamén a súa autoestima, ao comprobar como avanza a súa destreza a medida que adestran.

Esta actividade deportiva tamén serve para mellorar as relacións sociais e reducir a ansiedade e o estrés, sobre todo porque o equipo de ADACE Lugo divírtese moitísimo durante cada adestramento.

 

Información de ADACE Lugo.