O pasado 10 de Marzo, un grupo de persoas usuarias de ADACECO foi convidada ao Demostrador Tecnolóxico do Citic (o Centro de Investigación en Tecnoloxías da Información e as comunicacións da Universidade da Coruña). Durante a visita, tanto as persoas usuarias como as profesionais da asociación probaron diferentes desenvolvementos de Realidade Virtual, creados por investigadores do grupo Talionis-Citic.

As aplicacións seleccionadas permitiron ao grupo de persoas con dano cerebral adquirido ter un primeiro contacto coa experiencia de Realidade Virtual e traballar diferentes habilidades físicas e cognitivas.

Ademais, probaron unha tecnoloxía pouco estendida no ámbito comercial da Realidade Virtual: un dispositivo denominado  LEAP MOTION, que permite á persoa usuaria interactuar directamente coas mans, sen necesitade de mandos.

Información achegada por ADACECO.